Manuscripta juridica

Consilium: in causa testamenti Johannis de Lignano . Favouring the plaintiff. Autograph, with seal. Discussed by Brix, 2016

---

Author(s): Agamemnon Marscopti de Calvis, eques et iuris utriusque doctor, iura canonica in almo Bononiensi gymnasio legens (mortuus a.1501)

No. of pages: Fol. 487r-497r

Incipit:

• Casus super quo queritur consultatio talis est. Excellens doctor dominus Johannes de Lignano inter alia in testamento suo hiis verbis usus est: 'Item prohibuit dictus testator alienationem quorumcumque bonorum immobilium sue hereditatis, eo quia voluit ipsa bona perpetuo permanere intra familiam dicti testatoris et pro usu infra deputando. Item prohibuit dictus testator alienationem quorumcumque librorum sue hereditatis, eo quia voluit dictos libros perpetuo permanere intra familiam ipsius testatoris pro usu deputando. Item iussit, voluit et mandavit dictus testator, quod mantellus, caputeum et birretum quem eidem testatori donavit beatus Urbanus, cum ipsum visitavit in Monteflaschone, perpetuo non vendantur, sed teneantur sub fida custodia et conserventur pro reliquiis, cum pro devotione requirentur. Itaque nulli dimitantur, sed devotione prompta reducantur et conserventur. Et in loco habitationis deputande pro scholaribus, secundum quod visum fuerit commissariis et executoribus antedictis. In omnibus autem suis bonis mobilibus et immobilibus, iuribus et actionibus tam presentibus quam futuris Baptistam eius filium legitimum et naturalem et pariter cum eo quemcumque alium eius filium legitimum et naturalem nasciturum ex ipso testatore et legitimo matrimonio equis portionibus sibi heredes instituit.

  Et si contingat aliquem ex dictis suis filiis masculis tam natis quam nascituris quandocumque decedere sine liberis masculis, et si alter vel alii nascantur, cuicumque tali sic morienti substituit superstitem vel superstites, et eorum vel eius filios in stirpes. Et si aliqui filii non nascantur, et dictus Baptista decesserit sine liberis masculis legitimis et naturalibus, [jetzt fehlen Worte: 'vel si alter vel alii nascantur et omnes decesserint quandocumque sine liberis legitimis et naturalibus,'] tunc voluit et mandavit dictus testator quod de bonis sue hereditatis provideatur pauperibus scholaribus, etc.

  Modo queratur an, si Baptista filius domini Johannis testatoris decesserit cum filiis legitimis et naturalibus, possint filii Baptiste bona hereditatis libere alienare, quemadmodum nunc in facto contingit per testamentum factum per D. Ghulielmum filium dicti Baptiste.

  Et videretur fortassis primo dicendum dictam alienationem fieri potuisse, quia causa predicte prohibitionis fuit ut predicta bona perpetuo permanerent in familia. Causa autem quare voluit permanere in familia perpetuo fuit: pro usu scholaribus deputando - quia dictio 'pro' videtur significare causam finalem, ut colligitur ex dictis Baldi in l. iii. C. de acti. emp. Hec autem causa cessavit, quia fideicommissum factum scholaribus expiravit. Cum aliquis rogatur restituere, si sine liberis decesserit, natis liberis fideicommissum evanescit

Explicit:

• et ita bona remanent penes Antonium Maria